LAGU-LAGU DAERAH

Lagu-lagu Daerah Setempat

(Banjarmasin)

Nama:RIZAL ANSYARI

Kelas: X1 TAV

SMKN 5 Banjarmasin

Pangeran Suriansyah
Cipt. H. Anang Ardiansyah

H. Anang Ardiansyah (Beliau banyak baulah lagu-lagu batema banua kita, Banjar)

(*)
Pangeran, pangeran
Bangaran Raja Buana, ahli waris Karajaan Daha
Dibuang paman, Aria Batahta
Ka Balandean wadah pambukahannya
Di Kampung Kuin diangkat jadi raja
Pangeran Suriansyah itu galarnya

(#)
‘Mun bulan kadap sidin manyarang
Paman Tamanggung kuat babanaran
Sungai Kuin dipagar carucukan
Kampung Carucuk dibari ngaran

Patih Masih lalu pang baucap
Wan Sultan Damak batatulungan
Sultan Manulung baparjanjian
‘Mun Banjar manang masuk Islam

(#)
Kembali ke : (*)

Paman Tamanggung kalah sabakas
Lalu dibagi tanah wan watas
Pangeran ba-islam sabubuhan
Sultan Suriansyah bangaran

Paman ba-islam nang panambayan
Di Kampung Kuin ba’ulah masigit
di situ jua sidin bamakam
Damintu kisah Banjarmasin

Tanah Bumbu

30 Maret 2010

Tanah Bumbu
Cipt. Nanang Irwan

Hambur dadak hari kadap
Tarang maharap bulan
Barkat rakyat wan mufakat
Hajatnya kasampaian
Ulun, pian, kita
Pasti umpat nyaman
Tanah Bumbu jadi
Indungnya kampung kita
“Bersujud”
Jadi samboyannya
Ampun ulun ampun pian
Ampun kita barataan
Kabupaten Tanah Bumbu
Diatur tata batata
Aman diharap
Kawa diharap
Bapasrah tasarah haja
Ranai kadada untungnya
Barasih syukur
Jujur lawan damai
Samboyannya Tanah Bumbu
Kita ambil maknanya
Badadas baimbai bagawi
Jangan mahambur hiri
Tanah Bumbu sudah badiri
Alhamdulillahi syukuri

Kampung Batuah
Cipt. H. Anang Ardiansyah

Dimana turus, kadada watas
Banjar Banjarmasinku panas bau sandawa
Di Pasar Lama, atawa di Sungai Mesa
Tarus ka Pangambangan - alam markas bagurila
Tahunnya ampat lima anakku
Nanang galuh di Banjar basatu
Angkat sanjata malawan Walanda
Nang di benteng Tatas
Merdeka atau mati
sumpahnya
Basamburan darah di bajunya
Haram manyarah marabut Tanah Banjar
Kampung batuah
Kampung batuah, Banjarku
bapalas darah warganya
Kampung batuah
dirabut bakal gasan
Kanyamanan anak cucu
Terus ke no.1 selanjutnya no.2 dan no.3
Kembali ke no.1 dan no.2
Coda.... Kampung Batuah 5 x

Tatangis
Cipt. Hamiedan AC
Tatangis, aku tatangis
Mangganang masa silam,
masa nang silam
Aduhai nang kaya duri
di dalam badan
Lantaran cinta diriku nang kaya ini
Nang kaya ini, siang rindang, malam dandam Kurindang dandam
Aduhai…badanku ini, hancur di dalam( * )
Saputih banyu susu
Semanis madu
Nang disurung wan aku
Ai wayah dahulu
Saban kali batamu
Sanang hatiku
Riwayat bahagia
Kadada bandingnya
Rasa takibar sumangat
Lamun baduaan
Manggitir sukma ragaku
Dipaluk dirayu
Tatangis, aku tatangis
Bayangan masa silam
tatap kuganang
Aduhai… selama hayat
dikandung badan



Karindangan
Cipt. Nanang Irwan

Sudah lawas hati batagur
Amun aku tatap badiam
Kumarasa hati dandaman
Karindangan wan urang subarang
Rancak liwat baisukan
Kamarian basambung malam
Amun kada taucapkan
Niat hati karindangan

Saban malam slalu tabayang
Bayangannya kada pang hilang
Nang kaya apa supaya nyaman
Bantal guling ku ulah kawan
Puas tingharap tilantang pulang
Amun mata kada tapajam
Bamalaman kada taguring
Ka ingatan si rambut panjaang

Aduuh.. uma abah aduuh..
Ulun takutan ulun takutan
Kalu pang inya
Kalu pang inya diambil uraang

Aduh…  uma abah aduh…
Cuba lakasi cuba lakasi ditampahi
Ulun takutan dahulu uraang
Ulun kada tahan lagi
Ulun kada sabar lagi
Kalu pang kina, kalu pang kina
Ulun manyasal

***
Saban malam slalu tabayang
Bayangannya kada pang hilang
Nang kaya apa supaya nyaman
Bantal guling ku ulah kawan
Puas tingharap tilantang pulang
Amun mata kada tapajam
Bamalaman kada taguring
Ka ingatan si rambut panjang

Aduh… uma abah aduh…
Ulun takutan ulun takutan
Kalu pang inya
Kalu pang inya diambil urang

Aduh..  uma abah aduh…
Cuba lakasi cuba lakasi ditampahi
Ulun takutan dahulu urang
Ulun kada tahan lagi
Ulun kada sabar lagi
Kalu pang kina, kalu pang kina
Ulun manyasal

***
Saban malam slalu tabayang
Bayangannya kada pang hilang
Nang kaya apa supaya nyaman
Bantal guling ku ulah kawan
Puas tingharap tilantang pulang
Amun mata kada tapajam
Bamalaman kada taguring
Ka ingatan si rambut panjang
Ka ingatan si rambut panjang

Pambatangan
Pencipta: NN

Matan di hulu
Mambawa rakit bagandengan
Bahanyut matan di udik Barito
Awal hari baganti minggu
Siang dan malam
Waktu hari baganti hari
Istilah urang mancari rajaki
Kada talapas lawan gawi
Panas hujan kada manjadi papantangan
Kada hiran tatap dirasaakan
Mananjak batang sambil barami-ramian
Akhirnya sampai ka tujuan
Inilah nasib manjadi urang pambatangan
Lamun nasib sudah ditantuakan
Insya Allah ada harapan

Kambang Goyang
cipt. H. Anang Ardiansyah

Aaa aaa aaa ooo ooo
Pangantinnya sudah batimung
Amas murni pakaian putri
Kambang goyang di ujung galung
Suri kambang kambang malati
Pakaiakan di malam Arba
Kambang goyang di ujung galung
Pangantinnya sudah batimung
Uuu uuu
Waktu raja duduk basanding
Kambang goyang di ujung galung
Amas murni pakaian putri
Adat kawin dalam istana
Uuu uuu
Uraiakan mayang nang sakti
Umpatakan balarut banyu
Adat raja bamandi-mandi
Uuu uuu
Uraiakan mayang nang sakti
Umpatakan balarut banyu
Adat raja bamandi-mandi
Uuu uuu

Kambang Barenteng

cipt. H. Anang Ardiansyah

Barambai, Rantau Barambai barapit dua Rantau Badauh
Baimbai bulik baimbai..baimbai rapat dua jukung
Jangan bajauh
Ka Tamban-kah Aluh Aluh mandapat bidawang lawan biyuku
Padahkan lawan Ma’Galuh
tukarakan kambang barenteng barang sasuku
Reff :
Jukung dua janganlah baalih
Balarut banyu sampai ka sini
Kambang Barenteng pangikat kasih
Kasih sampai ka mati
Kahada kambang babanting
Kumbang nang babanting mau ajakah
Kahada kambang barenteng
Kambang nang barapai mau ajakah

Kakamban Habang
cipt. H. Anang Ardiansyah

Kambang culan sasangkutan kakamban habang 2 x
Taungut rindu manangis, malihat kakamban, kakamban nang habang 2 x
Hari lawan bulan, rupa manis bapagar bintang 2 x
Kakamban nang habang, tabawa bajalan, aduhai kasihan 2x
Maramis di banyu dalam, banyu dalam kacap-kacapan 2x
Manangis di tangah malam, kakamban nang habang nang jadi ingatan 2 x
Kambang culan sasangkutan kakamban habang 2 x
Taungut rindu manangis, malihat kakamban, kakamban nang habang 2 x
Hari lawan bulan, rupa manis bapagar bintang 2 x
Kakamban nang habang, tabawa bajalan, aduhai kasihan 2x
Kakamban nang habang, tabawa bajalan, aduhai kasihan 2x

Intingan wan Dayuhan
Cipt. H. Anang Ardiansyah

Dangariakan .....,kisah baandi-andi
Intingan wan Dayuhan, nang disuruh umanya, manjaga pahumaan
banih sudah manguning, pipit banyak mamakan,
sambil mamburu pipit, badua bapantunan
Hari bamula sanja, kadap samun di huma,
badua takutanan
Kada saapa, lalu datang Ni Yaksa, pamakan manusia
awaknya panjang basar, sapuhun kariwaya
muntungnya cawah banar, kaya kawah balanga
rambut banyak bakutu, halilipan wan kala
mula handak mamakan, apa akal Intingan
badua bapantunan
U kaka u kiki, banih kita dimakan pipit, u kaka
anai-anai bahindik-hindik, u ading
ulat bulu nang mamutiki
Ni Yaksa, Ni Yaksa....., nang bungas langkar lagi pambarian
Kami pang rela dimakan hampian, 'mun dibari habu halaban
Dayuhan mamusuti, dibawa barabahan, sambil bakakutuan,
Ni Yaksa kanyamanan, lalu pang taguringan,
disimbur di matanya, awan habu halaban
raksasa kalimpanan, bakuriak kapadihan
Intingan wan Dayuhan, hancap basambunyian,
di pinggir baruh dalam....
Ni Yaksa jarunjungan,
matanya kabur, bukah manyasahi
tacabur di baruh, balalu mati
badua barami-rami
U kaka, u kiki...
banih kita dimakan pipit, u kaka
anai-anai bahindik hindik, u ading
ulat bulu nang mamutiki

Lamun Datang Itu Lagu
Cipt. Anang Ardiansyah

Kakambangan hidupku
Dalam hati bakambar lawan lagu
Malancar aku mamaluk bulan
Manulis kisah harumnya sayang
Nasib saniman kamana aku maandahakan
Wayah hidup badua
Kami mamilih sakit wan suka
Sayang manyayangi rasa sahati
Makanya kalu aku talanjur langkah
Inya datang dalam satiap mimpi
Inya kusayang tangannya
Manyapu rigat di dahiku
Hati wan lagu
Jadi doa bakambuh rasa cipta
Badanku ini lagu
Jadi urang nang tasangka
Lamun datang itu lagu
Apa jauh tapisah di rantau urang
Kamana baandah awak balisah
Lalu tasangka aku handak bapaling
Padahal kuharap tangan ikam sing
Ikam sayangku
Baandak mamusut di hatiku

Musik Panting
Cipt. Sayrifuddin, MS / A.W. Syarbaini

Lawan Bismillah kami ucapkan
Panting dikatik baandung tangan
Musik dialun nang dibawakan
Kisahnya nasib marista badan
Mangatik panting di bulan tarang
Duduk basila basangga wihang
Marista diri awak saurangan
Manunggu nasib rajaki datang
Musik Panting kita dangari sayang..
Paninggal Datu urang bahari
Panting dikatik di malam hari sayang..
Mahibur hati di wayah sunyi
Musik Panting kita dangari sayang..
Panting dikatik di malam hari
Patut dibina dipalajari sayang...
Mahibur hati di wayah sunyi

Sanja Kuning
Cipt. H. Anang Ardiansyah

Bamula angin manyapu banyu
Mamirit di batang banyu
Maantar alang tarabang
Handak bulik ka sarangnya
Galuh, lakas naik
sanja kuning sanja luruh
di muara
Bakayuh jukung dukuh hancap bulik
Sudah dikiau abahnya
Sanja kuning luruh
Tatanaman layu, apa wahananya
Sanja kuning luruh
Tatanaman layu, sasuka duka
Galuh, putikakan kambang waluh
Tampulu malarak, sanja
Bakayuh jukung tiung hancap bulik
Sanja di muara